जळगाव (प्रतिनिधी) छिंदवाडा मेडिकल कॉलेजला अकाउंटंटची नोकरी लावून देण्याचे आमिष देऊन एकाची ३ लाख ५० हजार रुपयांची फसवणूक केल्याची घटना समोर आली आहे. याप्रकरणी शिवशंकर लखन जवरकर, नीतू शिवशंकर जवरकर या दोघांविरुद्ध गुन्हा दाखल करण्यात आला आहे.
यासंदर्भात उमेश राजेंद्रप्रसाद चौरसिया (वय ३७, रा. देवेंद्रनगर जळगाव) यांनी दिलेल्या फिर्यादीनुसार, शिवशंकर लखन जवरकर, नीतू शिवशंकर जवरकर (रा. चांदामेटा वॉर्ड नंबर १०, काली चौकी उमरिया लाईन चांदामेटा जि. छिंदवाडा (मध्यप्रदेश) यांनी जळगाव येथे स्टेट बँक मुख्य शाखेत जवळ येऊन उमेश चौरसिया यांना छिंदवाडा मेडिकल कॉलेजला अकाउंटंटची नोकरी लावून देण्याचे आमिष दिले. त्यानंतर उमेश यांच्याकडून बँक मार्फत व रोख रक्कम असे वेळोवेळी एकूण ३ लाख ५० हजार घेतले. त्यानंतर छिंदवाडा मेडिकल कॉलेजचे नोकरी लागण्या बाबतचे बनावट कागपत्र उमेश यांच्या मोबाईलवर टाकून नोकरीसाठी अजून दीड लाख रुपयांची मागणी केली. तसेच आज पावेतो दोघांनी संगणमत करून नोकरी न लावता फसवणूक केली आहे. याप्रकरणी जळगाव जिल्हा पेठ पोलीस स्थानकात दोघांविरुद्ध गुन्हा दाखल करण्यात आला असून पुढील तपास पीएसआय प्रदीप चांदेलकर हे करीत आहेत.
