जळगाव (प्रतिनिधी) शहरातील जोशी कॉलनीत पैशांवरून झालेल्या वादातून तरूणाचा धारदार शस्त्राने वारून करून गंभीर जखमी झाल्याची घटना घटना घडली होती. या गुन्ह्यातील एकाला एमआयडीसी पोलीसांनी अटक केली असून तीन जण फारार झज्ञले आहे. याप्रकरणी एमआयडीसी पोलीस ठाण्यात चौघांवर गुन्हा दाखल करण्यात आला होता.
जळगाव शहरातील सिंधी कॉलनीजवळील नगरात अविनाश किशोर जोशी (वय २५) हा तरुण वास्तव्यास आहे. त्यांच्या घराजवळील विजय उर्फ भूरा जोशी याने अविनाश जोशी याच्याकडून २० हजार रुपये उसनवारीने घेतले होते. शुक्रवार २ ऑगस्ट रोजी रात्री दहा वाजेच्या सुमारास अविनाश उर्फ भूरा जोशी हा घरासमोर उभा असतांना, अविनाश याने त्याच्याकडे उसनवारीच्या पैशांची मागणी केली. यावेळी भुरा जोशी हा अविनाश याला शिवीगाळ करु लागला. याचवेळी भुरा जोशी याचा भाऊ सचिन जोशी, त्याचा मुलगा हर्षल जोशी आणि पुष्पा जोशी त्याठिकाणी आले. ते देखील अविनाश सोबत वाद घालू लागले, या वादात हर्षल जोशी याने त्याच्याजवळील धारदार चाकूने अविनाशच्या पोटावर आणि छातीवर वार केले. त्यानंतर सर्वजण तेथून पसार झाले. परिसरातील काही तरुणांनी जखमी अवस्थेत असलेल्या अविनाशला तात्काळ जिल्हा शासकीय वैद्यकीय महाविद्यालय व रुग्णालयात दाखल केले. याप्रकरणी त्याने दिलेल्या जबावारुन शनिवारी ३ ऑगस्ट रोजी मध्यरात्री १ वाजता एमआयडीसी पोलीस ठाण्यात चौघांवर गुन्हा दाखल करण्यात आला आहे.
