जळगाव (प्रतिनिधी) भारतीय जैन संघटना व शासकीय वैद्यकीय महाविद्यालय यांच्या संयुक्त विद्यमाने 14,15,16 जानेवारी 2025 रोजी शासकीय वैद्यकीय महाविद्यालय, जळगाव (सिविल हॉस्पिटल परिसर) येथे भव्य मोफत प्लास्टिक सर्जरी शिबिराचे आयोजन करण्यात आले आहे.
स्व. उतमचंदजी पारख व स्व. जौहरीमलजी श्रीश्रीमाळ यांच्या स्मृती प्रित्यर्थ आयोजित करण्यात आलेल्या या मोफत प्लास्टिक सर्जरी शिबिराला अमेरिकेतील सुप्रसिद्ध प्लास्टिक सर्जन डॉ. लॅरी वाईनस्टीन व त्यांची टीम हे दुभंगलेले ओठ, पापण्यांची विकृती, चेहऱ्यावरील व्रण व डाग, नाक व कान यावरील बाह्य विकृतींवर चिकटलेली बोटे, फुगलेले गाल आदी प्रकारच्या रुग्णांवर शस्त्रक्रिया मोफत केल्या जाणार आहेत . जळालेल्या, भाजलेल्या व पांढरे डाग असलेल्या रुग्णांवर शास्त्रक्रिया करण्यात येणार नाही. शिबिरात सहभागी होणाऱ्या सर्व रुग्णांना औषधी सोबत रूग्णांना चहा व जेवणाची देखील मोफत व्यवस्था केली जाणार आहे.
रुग्ण नोंदणी व तपासणी
हे शिबिर मंगळवार दिनांक 14/1/2025 रोजी (फक्त एक दिवस) सकाळी – 9 ते 12 पर्यंत असून तपासणीसाठी उपाशी पोटी यावे. तसेच या मोफत शस्त्रक्रिया शिबिराचा जिल्ह्यातील रुग्णांनी लाभ घ्यावा असे आवाहन करण्यात आले आहे.
अधिक माहितीसाठी विनयकुमार पारख 7782820707, डॉ. अशोक श्रीश्रीमाल 9823019414 यांना संपर्क साधावा.
