अमळनेर (प्रतिनिधी) सोनी मराठी वरील ज्ञानाची कसोटी लागणाऱ्या कार्यक्रम कोण होणार करोडपती मध्ये जळोद तालुका अमळनेर येथील जिल्हा परिषद शाळेतील शिक्षिका जयश्री पवार पाटील यांची निवड झाली असून त्यांनी कार्यक्रमासाठी आवश्यक ते सात टप्पे पार पाडत थेट व्हॉट् सीटवर जाण्याचा मान मिळवला आहे.
आठ जून रोजी बुधवारी रात्री नऊ ते दहा दरम्यान सोनी मराठी वाहिनीवर सदर कार्यक्रम प्रसारित होणार आहे. या कार्यक्रमाचे सूत्रसंचालन सुप्रसिद्ध चित्रपट अभिनेते सचिन खेडेकर करणार आहेत. जयश्री पवार या जय हिंद महाविद्यालय धुळेच्या माजी विद्यार्थिनी असून त्या अमळगाव येथील रहिवासी नानासो आर आर पाटील यांच्या स्नुषा व दहिवड येथील नवभारत माध्यमिक विद्यालयातील प्राध्यापक संदीप पाटील यांच्या पत्नी आहेत. धुळे येथील जैन संस्थेतील निवृत्त शिक्षक व युवक क्रांती दलाचे कार्यकर्ते दिलीप पवार यांच्या त्या कन्या आहेत.
