धरणगाव (प्रतिनिधी) तालुक्यातील कंडारी बु. येथे ग्रामसभेत दि. ३० नोव्हेंबर रोजी घरकुल घेण्याच्या वादातून चांगला राडा झाला होता. यावेळी एका वृद्ध महिलेला मारहाण तसेच विनयभंग केल्याप्रकरणी धरणगाव पोलिसात सहा जणांविरुद्ध गुन्हा करण्यात आला आहे.
या संदर्भात अधिक असे की, दि. ३० नोव्हेंबर रोजी दुपारी गावातील ग्रामपंचायतमध्ये ग्रामसभेचे आयोजन करण्यात आलेले होते. यावेळी ६२ वर्षीय पिडीत महिलेला ग्रामपंचायतमध्ये ग्रामसभा सुरु असतांना तायेर अब्दुल पटेल, शौकत कालू पटेल, फरीद गुलाब पटेल,रुबाब रशीद पटेल,मंजूर सलाम पटेल, जाकीर गुलाब पटेल (सर्व रा.कंडारी बु. ता. धरणगाव) या सर्वांनी संगनमत करुन गैरकायदा जमाव जमवत मारहाण करुन जीवेमारण्याचे धमकी दिली. तसेच शौकत पटेल याने दगड उचलुन रागाच्या भरात पिडीत वृद्ध महिलेच्या डोक्यात मारला. तर ताहेर पटेल व फरीद पटेल यांनी पिडीत वृद्धाचे अंगातील ब्लाउज फाडत विनयभंग केला. रुबाब पटेल, मंजुर पटेल व जाकीर पटेल या सर्वानी पिडीतेला व त्यांच्या दोन्ही मुलांना मारहाण करुन जीवे मारण्याची धमकी देत गळयातील सोन्याची पोत बळजबरीने ओढून लंपास केली. याप्रकरणी धरणगाव पोलिसात गुन्हा दाखल झाला असून पुढील तपास पोहेकॉ दीपक पाटील हे करीत आहेत.
