जळगाव (प्रतिनिधी) कामगारांवरील अन्याय या संदर्भात उप आयुक्त कार्यालयाकडे केलेल्या तक्रारीवरून ईगल सिक्युरिटी अँड पर्सनल सर्व्हिस व कुलगुरुंना चौकशीसाठी हजर राहण्याचे आदेश कामगार उपायुक्तांनी दिले आहेत. याबाबत अॅड. कुणाल पवार यांनी तक्रार केली होती.
दैनंदिन कंत्राटी कर्मचारी तसेच सुरक्षा रक्षक यांना बोनस, भविष्य निर्वाह निधी, पगारी रजा न देणे इत्यादी या संदर्भात कामगार उप आयुक्त कार्यालयाकडे केलेल्या तक्रारीवरून ईगल सिक्युरिटी अँड पर्सनल सर्व्हिस व कुलगुरुंना २ फेब्रुवारी रोजी दुपारी ३ वाजता चौकशीसाठी हजर राहण्याचे आदेश कामगार उपायुक्तांनी दिले आहेत. या विषयीची तक्रार अॅड. कुणाल पवार यांनी १३ जानेवारी रोजी कामगार उप आयुक्तांकडे केली होती. त्याची दखल घेत कामगार उप आयुक्तांनी ही नोटीस बजावली आहे.
