जळगाव (प्रतिनिधी) – माहेरी गेलेल्या पत्नीला घेण्यासाठी पती गेला असता तेथे वाद होऊन जावई व सासरच्या मंडळींमध्ये तुफान हाणामारी झाली. यामध्ये शालकाने मेहुण्यावर चाकूने वार केला तर मेहुण्याने शालकासह सासू, सासऱ्यास मारहाण केली. ही घटना दि. १ नोव्हेंबर रोजी कुसुंबा येथे घडली. या प्रकरणी परस्परविरोध तक्रारीवरून ५ जणांविरुद्ध गुन्हा दाखल करण्यात आला आहे.
तालुक्यातील कुसुंबा येथे राहणारे
संजय भिमराव जाधव (वय ४२) यांनी एमआयडीसी पोलिस ठाण्यात दिलेल्या फिर्यादीत म्हटले आहे की, त्यांचा जावई चंद्रकांत ईश्वर बाविस्कर (रा. बांभोरी) हा त्याच्या पत्नीला घेण्यासाठी आला होता. त्या वेळी तिने जाण्यास नकार दिल्याने राग येऊन चंद्रकांत बाविस्कर याने सासरे संजय जाधव यांच्या डोक्यात, पाठीवर व पायावर कुकर मारून दुखापत केली. तसेच सासूला व शालकाही शिवीगाळ करत मारहाण करून जिवे मारण्याची धमकी दिली. या प्रकरणी दिलेल्या फिर्यादीवरून जावई चंद्रकांत बाविस्कर याच्याविरुद्ध गुन्हा दाखल करण्यात आला आहे.
सासऱ्याने पकडले अन् शालकाने केले वार
चंद्रकांत बाविस्कर यांनी दिलेल्या फिर्यादीत म्हटले आहे की, ते पत्नीला घेण्यासाठी सासरी गेले असता सासरे संजय जाधव यांनी पकडून ठेवत शालक भूषण जाधव याने चाकू मारून दुखापत केली. तसेच सासू भारती जाधव व लहान सासूने मारहाण केली.
दोघ गटातील पाच जणांविरुद्ध गुन्हा
या प्रकरणी दिलेल्या फिर्यादीवरून सासरा संजय जाधव, शालक भूषण जाधव, सासू भारती जाधव व लहान सासू (नाव समजू शकले नाही) सर्व रा. कुसुंबा, ता. जळगाव या सर्वांविरुद्ध गुन्हा दाखल करण्यात आला आहे.
