मुंबई (वृत्तसंस्था) देवेंद्र फडणवीस मुख्यमंत्री असताना ओबीसींसाठी जेवढे काम केले तेवढे कोणीही केले नाही. त्यामुळे खडसेंनी फडणवीसांचा द्वेष करणे बंद करावे, विधान परिषदेचे विरोधी पक्षनेते प्रविण दरेकर यांनी म्हटले आहे.
दरेकर पुढे म्हणाले की, ओबीसी म्हणजे एकनाथ खडसे नाहीत. देवेंद्र फडणवीस मुख्यमंत्री असताना ओबीसींसाठी जेवढे काम केले तेवढे कोणीही केले नाही. फडणवीस सरकारने अनेक प्रश्न मार्गी लावले. पंतप्रधान नरेंद्र मोदीदेखील ओबीसी समाजातूनच येतात पण आम्ही उल्लेख करत नाही. भाजपाला टार्गेट केले जात असल्याने आम्हाला तो उल्लेख करावा लागतो, असे प्रवीण दरेकर यांनी म्हटले आहे. दरम्यान, खडसे यांनी पक्ष सोडताना देवेंद्र फडणवीस यांच्यावर कडवट टीका केली होती. तसेच अजूनही खडसे फडणवीसांवर टीकेची एकही संधी सोडत नाही.
