जळगाव (प्रतिनिधी) शहरात अखिल भारतीय अंधश्रद्धा निर्मूलन समिति आयोजित सावित्री उत्सवामध्ये क्रांतीज्योती सावित्रीबाई फुले यांच्या जयंती निमित्ताने प्रभावती बावस्कर (कास्ट्राईब महासंघ जिल्हाध्यक्ष) यांचे व्याख्यान संपन्न झाले.
व्याख्यानात सावित्रीबाई फुले आजची स्त्री या विषयावर प्रभावती बावस्कर यांनी विविध उदाहरणे देऊन प्रकाश टाकला. तसेच ऐतिहासिक उदाहरणाच्या माध्यमातून महिलांचे व पुरुषांचे प्रबोधन केले. कार्यक्रम गुगलमिट च्या माध्यमातून ऑनलाइन संपन्न झाला. कार्यक्रमाचे सूत्रसंचालन प्रियंका साळवे प्रास्ताविक मनीषा सूर्यवंशी वक्त्यांचा परिचय निशा पाटील तर आभार प्रदर्शन अर्चना सपकाळे यांनी केले.
कार्यक्रम यशस्वीतेसाठी विनोद सपकाळे, जे. डी. ठाकरे, उगलाल शिंदे, के. आर केदार, निंबाजी बारी, सुधीर काळवाघे, योगेश करंदीकर, सागर पाटील, महेश शिंपी यांनी परिश्रम घेतले. कार्यक्रमप्रसंगी जिल्हाभरातून तमाम कार्यकर्ते व पदाधिकार्यांची बहुसंख्येने उपस्थिती होती.
