मुंबई (वृत्तसंस्था) महाराष्ट्रात राज्यसभा निवडणुकीची रणधुमाळी सुरु असताना विधानपरिषद निवडणुकांची (vidhan Parishad election) घोषणा झाली आहे. महाराष्ट्राच्या विधानपरिषदेच्या १० जागांसाठी ही निवडणूक होत आहे. २ जूनला अधिसूचना जाहीर होईल.
एकीकडे राज्यसभेच्या निवडणुकीची चर्चा राजकीय वर्तुळात रंगली असतानाच आता विधानपरिषद निवडणुकांचेही बिगुल वाजलं आहे. राज्यसभा निवडणूकीसाठी १० जूनला मतदान होणार आहे. त्यानंतर २० जूनला विधानपरिषद निवडणूक घेतली जाणार आहे. सूत्रांनी दिलेल्या माहितीनुसार, रामराजे निंबाळकर, सुभाष देसाई, प्रविण दरेकर, सदाभाऊ खोत, प्साद लाड यांचा कार्यकाळ संपणार आहे. त्यामुळे नव्या उमेदवारांना संधी मिळण्याती शक्यता वर्तवली जात आहे. दरम्यान, विधान परिषदेच्या निवडणुकीसाठी भाजप नेते, प्रविण दरेकर, पंकजा मुंडे, चित्रा वाघ, अनिल बोंडे, राम शिंदे, कृपा शंकर सिंग यांची नावं चर्चेत आहेत.
