नवी दिल्ली (वृत्तसंस्था) सध्या ज्येष्ठ नागरिकांसाठी, त्यांचे नियमित उत्पन्नाचे स्त्रोत म्हणजे त्यांचे पेन्शन. अशा परिस्थितीत सरकार चालवत असलेली प्रधानमंत्री वय वंदना योजना ही त्यांच्यासाठी एक आकर्षक पर्याय आहे. तुम्हाला एकरकमी गुंतवणूक करून दरमहा पेन्शन मिळवायची असेल, तर ‘PM वय वंदना योजना’ ही तुमच्यासाठी सरकारी पेन्शन योजना आहे. ही योजना भारतीय आयुर्विमा महामंडळ (LIC) द्वारे चालवली जात आहे.
४ मे २०१७ रोजी, भारत सरकारने देशातील ज्येष्ठ नागरिकांना लक्षात घेऊन ‘प्रधानमंत्री वय वंदना योजना’ सुरू केली होती. सर्व फिक्स्ड डिपॉझिट आणि पेन्शन योजनांच्या तुलनेत ‘प्रधानमंत्री वय वंदना योजने’वर चांगले व्याज मिळत आहे. सध्या पीएमपीपीवाय योजनेत वार्षिक ७.४० टक्के दराने व्याज दिले जात आहे. या योजनेत, तुम्ही एकरकमी रक्कम जमा करून दरमहा निश्चित पेन्शन मिळवू शकता.
एकरकमी डिपॉझिट करावे लागेल
वृद्धांना पेन्शनसाठी वय वंदना योजनेत एकरकमी गुंतवणूक करावी लागेल. दरवर्षी २ एप्रिल रोजी सरकार योजनेच्या हिताचा आढावा घेते आणि त्यात बदल करते. या योजनेत गुंतवणुकीची कमाल मर्यादा आधी साडेसात लाख होती, ती आता १५ लाख रुपये करण्यात आली आहे.
नवीन सुधारणांनंतर, ग्राहकांना १००० रुपयांच्या मंथली पेन्शनसाठी किमान १.६२ लाख रुपयांची गुंतवणूक करावी लागेल. त्रैमासिक पेन्शनसाठी १.६१ लाख रुपये, अर्धवार्षिक पेन्शनसाठी १.५९ लाख रुपये आणि वार्षिक पेन्शनसाठी किमान १.५६ लाख रुपये गुंतवावे लागतील.
दरमहा ९२५० रुपये पेन्शन मिळेल
पीएम वय वंदना योजनेअंतर्गत जास्तीत जास्त मंथली पेन्शनची रक्कम ९२५० रुपये आहे. तुम्ही २७,७५० रुपये अर्धवार्षिक पेन्शन म्हणून घेऊ शकता आणि तुम्हाला वार्षिक पेन्शन हवी असेल तर तुम्हाला १.११ लाख रुपये मिळतील. मात्र यासाठी तुम्हाला PMVVS स्कीममध्ये १५ लाख रुपये जमा करावे लागतील. या योजनेची मुदत १० वर्षे आहे.
