अमळनेर (प्रतिनिधी) धार येथील हिंदु-मुस्लिम एकतेचे प्रतीक असलेले हजरत अब्दुल रज्जाक बाबा दर्ग्यावर राष्ट्रीय मुस्लिम मोर्चाचे तालुका अध्यक्ष नविद शेख यांनी चादर चढवून कोरोनाच्या भयंकर रोगापासून नागरिकांची सुटका व्हावी म्हणून प्रार्थना केली.
अमळनेर शहरासह तालुक्यात कोरोनाचा वाढता हैदोस व मृत्यूच्या तांडवमुळे नागरिकांमध्ये भीतीचे वातावरण पसरले आहे. शहरातील दवाखाने कोरोना रुगणांनी तुडुंब भरलेले आहे. स्मशानभूमीत प्रेतांना अग्निदहन करण्यासाठी रांगाच रांगा लागल्या आहेत. अशी भयावह स्थिती निर्माण झाल्याने नागरिकांमध्ये भितीचे वातावरण पसरले असतांना दवा बरोबर दुवाची गरज असल्याने तालुक्यातील धार येथील हिंदु-मुस्लिम एकतेचे प्रतीक असलेले हजरत अब्दुल रज्जाक बाबा दर्ग्यावर राष्ट्रीय मुस्लिम मोर्चाचे तालुका अध्यक्ष नविद शेख यांनी चादर चढवून कोरोना या महामारी पासून भारतीयांना मुक्त करण्यासाठी प्रार्थना केली. याप्रसंगी अखतर अली सैय्यद, नईम पठान, साबिर बागवान आदी कार्यकर्ते उपस्थित होते.
