चाळीसगाव (प्रतिनिधी) जनतेच्या मनात फक्त पंतप्रधान नरेंद्र मोदीजी असून स्मिताताई वाघ यांचा विजय निश्चित असल्याचे प्रतिपादन आमदार मंगेशदादा चव्हाण यांनी केले. ते तालुक्यातील बंजारा तांडा वस्तीवर प्रचार दौऱ्यांत बोलत होते.
महायुतीच्या अधिकृत उमेदवार स्मिताताई वाघ यांच्या प्रचारार्थ चाळीसगाव तालुक्यातील बंजारा तांडा वस्तीवर प्रचार दौऱ्यांचे नुकतेच आयोजन महायुतीच्या वतीने करण्यात आले आहे होते. यावेळी आमदार मंगेशदादा चव्हाण यांनी कॉर्नर सभेला संबोधित केले. तसेच राजदेहरे गावाला भेट देऊन मतदारांशी संवाद साधला.
यावेळी कृषी उत्पन्न बाजार समितीचे आजी माजी सभापती, उपसभापती, पंचायत समिती माजी सभापती, सदस्य, आजी माजी सरपंच, उपसरपंच, लोकप्रतिनिधी, महायुतीचे तालुका पदाधिकारी, कार्यकर्ते, मोठया संख्येने उपस्थित होते. जनतेच्या मनात मोदीजी असून फक्त तिकीट मिळाले नाही म्हणून आईसमान पक्षाशी गद्दारी करणाऱ्या वृत्तीला धडा शिकविण्याचा मनोदय यावेळी अनेकांनी व्यक्त केला.
