जळगाव (प्रतिनिधी) शेतात एका मोबाईल – कंपनीचे मोबाईल टॉवर बसविण्यात येणार असून, त्यासाठीच्या विविध अटी पुर्ण करण्यासाठी पाचोरा तालुक्यातील एका खासगी नोकरदाराची तब्बल ३४ लाख ६३ लाख रुपयांमध्ये ऑनलाईन फसवणूक केली. हा प्रकार १ मार्च रोजी उघडकीस आला असून या प्रकरणी बुधवारी जळगाव सायबर पोलिसात दोन जणांविरुद्ध गुन्हा दाखल करण्यात आला आहे.
पाचोरा तालुकयातील राबदरखे येथील निंबा गबा परदेशी (वय ५३) हे वास्तव्यास असून ते खासगी नोकरदार आहेत. त्यांना दि. ६ जुलै २०२४ मध्ये एका मोबाईल कंपनीतून प्रोजेक्ट मॅनेजर अंकिता श्रीवास्तव या महिलेचा फोन निंबा परदेशी यांना आला. त्यानंतर श्रीवास्तव यांचे सहकारी राघव कुमार याच्यासोबत निंबा परदेशी यांनी व्हॉटसअॅपपवरुन चर्चा केली. तसेच परदेशी यांच्या शेतात मोबाईल टॉवर बसविण्यात येणार असल्याचे सांगितले. तसेच त्या बदल्यात परदेशी यांना महिन्याला २० हजार रुपये देण्याचे आश्वासन दिले. त्यासाठी परदेशी यांना शासकीय कर भरावा लागणार असल्याचे सांगत, काही अटी शर्थी पुर्ण कराव्या लागणार असल्याचे सांगत त्यांच्याकडून वर्षभरात ३४ लाख ६३ रुपयांची रक्कम ऑनलाईन पध्दतीने घेतली. मात्र, आठ ते दहा महिन्यात रक्कम घेऊनही शेतात मोबाईल टॉवर देखील बसविले नाही. यासह परदेशी यांनी दिलेली रक्कम देखील परत मिळाली नाही. १ मार्च रोजी परदेशी यांना आपली फसवणूक झाल्याचे समजताच त्यांनी ३ मार्च रोजी जळगाव सायबर पोलिसात अंकिता श्रीवास्तव व राघव कुमार यांच्यावर गुन्हा दाखल करण्यात आला आहे.
