नशिराबाद (प्रतिनिधी) राज्यातील सर्व रक्त पेढी मध्ये रक्ताचा होत असलेला तुटवडा व त्यात कोरोना चा प्रादुर्भाव म्हणून मुख्यमंत्री उद्धव ठाकरे यांनी समाजिक संघटनांना रक्तदाना विषयी आव्हान केले असता जळगाव जिल्हा मानियार बिरदारीने त्यास प्रतिसाद देत नशिराबाद येथे रक्त दान शिबिराचे आयोजन करून डॉ. उल्हास मेडिकल कॉलेज रक्तपेढीला ४१ बॅगेचे संकलन करून देण्यात आले.
जळगाव येथील फिजिशियन तज्ञ डॉक्टर मंधार पंडित यांच्या शुभहस्ते या शिबिराचे उद्घाटन करण्यात आले. यावेळी अध्यक्षस्थानी राष्ट्रवादी काँग्रेसचे राज्याचे अध्यक्ष गफ्फार मलिक होते. तर प्रमुख अतिथी म्हणून आरोग्य पर्वेक्षिका खैरून उन्निसा शेख, नशिराबादचे माजी सरपंच पंकज महाजन, ग्रामपंचायत सदस्य देवेंद्र पाटील, विनोद रंधे, चंदू पाटील, जळगाव जिल्हाध्यक्ष मझर खान, उपाध्यक्ष नशिराबादचे बरकत अली, भुसावळ चे सरचिटणीस इम्तियाज शेख, नशिराबाद चे अय्युब मेंबर, रियाझ मानियार, इस्माईल मानियार व मोहम्मद रईस सैयद यांची उपस्थिती होती. सर्वप्रथम रक्तपेढीचे डॉक्टर सईद शेख यांनी कुराण पठण केले व रक्तदानस सुरुवात करण्यात आली.
महापरिनिर्वाण दिन व बाबरी मशिद ला अभिवादन करू या – फारूक शेख
सहा डिसेंबर हा संपूर्ण भारतात महा परिनिर्वाण दिन म्हणून साजरा केला जातो तसेच या ६ डिसेंबर रोजी बाबरी मस्जिद ला शहीद करण्यात आले होते. या दोघा क्षणाचे औचित्य साधून त्यांना अभिवादन करण्यासाठी आज या रक्तदान शिबिराचे आयोजन करण्यात आल्याचे आयोजक मनियार बिरादरीचे अध्यक्ष फारुख शेख यांनी आपल्या प्रास्ताविकात द्वारे स्पष्ट केले
सर्व बिरादरीतील तरुणाईचा उस्फुर्त प्रतिसाद
रक्तदानासाठी सर्व समाजातील तरुणाई ने व खास करून विविध राजकीय पक्षात कार्यरत असलेल्या तरुणाईने या रक्तदान मध्ये स्वेच्छेने सहभाग नोंदवून आपली त्याग व बलिदानाची भूमिका स्पष्ट केली
डॉक्टर उल्हास पाटील रक्तपेढीचे हे तज्ञ उपस्थित
डॉक्टर नितीन भारंबे यांच्या मार्गदर्शनाखाली डॉक्टर निखील मेहता, मेडिकल ऑफिसर सीनियर टेक्निशियन सईद शेख, टेक्निकल सुपरवायझर रितेश वारके, टेक्निशियन राज तवर, जनसंपर्क प्रमुख लक्ष्मण पाटील, नर्स शीतल बावणे व ऐश्वर्या थुल यांनी रक्त संकलित केले.
यशस्वितेसाठी प्रयत्नशील योद्धे
जळगाव चे ताहेर शेख, मोहसीन शेख, समीर शेख, नशिराबाद चे रईस सैयद, मोहम्मद रईस, सलमान शेख, फझल कासार, अहमद शेख सत्तार, शेख फ़ायझ, अझरुद्दीन पिंजारी, सय्यद जहीर, रियाज सय्यद इस्माईल, सय्यद शेख, ताहेर शेख, अन्वर शेख, समीर शेख, अन्सार व सद्दाम शाह, आदींनी प्रयत्न केले.
रक्त दात्यांना प्रमाण पत्र तर आयोजकास समूर्ती चिन्ह
सर्व दात्यांना प्रमाण पत्र रक्त पेढी तर्फे देण्यात आले. तर आयोजन केल्या बद्दल रक्त पेढीचे संक्रमण अधिकारी डॉ. नितीन भारंबे यांनी फारूक शेख यांचा गौरव केला.
