पाचोरा (प्रतिनिधी) वेळोवेळी पाठलाग करुन माझ्याशी लग्न कर, माझ्यासोबत चल. नाही तर तुझ्या अंगावर अ‍ॅसीड टाकेल, अशी शालेय मुलीला धमकी देणाऱ्याविरुद्ध पाचोरा पोलिसात गुन्हा दाखल करण्यात आला आहे.
शाळेत जाणाऱ्या अल्पवयीन मुलीचा वेळोवेळी पाठलाग करुन माझ्यासोबत लग्न न केल्यास तुझ्या अंगावर अंगावर अ‍ॅसीड टाकेल, अशी एक तरुण धमकी द्यायचा. संबंधीत मुलाच्या अशा बोलण्यासह धमकीला वैतागून पिडीतेने हा प्रकार घरी आपल्या आईला सांगितला.
पिडीत अल्पवयीन मुलीच्या आईने पाचोरा पोलिस स्टेशन गाठत सर्व प्रकार सांगितला. पोलिसांनी या प्रकाराची तात्काळ दखल घेत पोस्कोसह विविध कलमान्वये गुन्हा दाखल करत संशयित तरुणाला अटक केली आहे. गुन्ह्याचा पुढील तपास उप विभागीय पोलिस अधिकारी धनंजय येरुळे करत आहेत.
