जळगाव (प्रतिनिधी) आज राष्ट्रसंत तुकडोजी महाराज यांची जयंती ! त्यानिमित्ताने जळगाव महानगरपालिकेमध्ये महापौर जयश्री महाजन, उपमहापौर कुलभूषण पाटील, अतिरिक्त आयुक्त विद्या गायकवाड आणि इतर मनपा कर्मचाऱ्यांचा उपस्थित, राष्ट्रसंत तुकडोजी महाराज यांच्या प्रतिमेचे पूजन करून अभिवादन करण्यात आले.
राष्ट्रसंत तुकडोजी महाराज हे आधुनिक विचाराचे कृतिशील संत होते तसेच भारत हा गाव खेड यांनी बनलेला देश असल्याने गावाचा विकास झाला तरच देशाचा विकास होईल अशी त्यांची श्रद्धा होती त्यामुळे त्यांनी स्वतःला ग्रामविकासाच्या कार्याला वाहून घेतलं खेड्यांच्या स्वयंपूर्णतेवर भर दिला व ग्रामगीतेच्या माध्यमातून ग्राम उन्नतीचा मार्ग सांगितला त्यामुळे त्यांच्या जयंती निमित्ताने आज मनपा मध्ये अभिवादन करण्यात आले.
