एरंडोल (प्रतिनिधी) आज कोल्हापूर येथे ८ वी मिनीसबजुनिअर राज्यस्तरीय टेनिस बॉल क्रिकेट स्पर्धा २०२१ चे आयोजन दि. १७ नोव्हेंबर ते २० नोव्हेंबर २०२१ पर्यंत टेनिस बॉल क्रिकेट असोसिएशन ऑफ महाराष्ट्रअंतर्गत नुकतीच पार पडली. या स्पर्धेचे आयोजन कोल्हापूर जिल्हा टेनिस क्रिकेट बॉल असोसिएशन यांनी छत्रपती शिवाजी विद्यानिकेतन कोल्हापूर, येथे केले. यात १० जिल्ह्याचा समावेश होता.
या स्पर्धेत अष्टविनायक संघाने एकतर्फी ४ सामन्यात विजय मिळवत अंतिम सामन्यात नाशिकचा बलाढय संघाला ७ गळी राखून राज्यस्तरावर आपला सलग दुसऱ्यांदा विजयी चषकावर नाव कोरले. अष्टविनायक स्पोर्ट्स क्लब, चोपडा येथील मुलांचा संघ या राज्यस्थरीय स्पर्धेचा मानकरी ठरला. त्या संघाचे कर्णधार- भावेश चित्रकथी, उप कर्णधार कृष्णा महाजन, लोकेश पाटील, वरून निनायदे, गणेश पाटील, आयुष पाटील, शिवांश जैस्वाल, भावेश पाटील, कौस्तुभ पोतदार, भावेश कोळी, कृष्णा चावरे व त्यांचे प्रशिक्षक -मनोज जाधव, अरविंद जाधव व टीम मॅनेजर म्हणून विजय पाटील यांचे अभिनंदन व अष्टविनायक परिवारातील सर्व पदाधिकारी व सर्व प्रशिक्षक वर्ग यांनी विजयी संघाचे अभिनंदन व कौतुक केले व भावी वाटचालीसाठी शुभेच्छा दिल्या. तसेच पुढील २६ नोव्हेंबर ते ३० नोव्हेंबर २०२१ या काळात तमिळनाडू येथे होणाऱ्या राष्ट्रीय पातळीसाठी या संघातील काही खेळाडू महाराष्ट्राचे नेतृत्व करतील.
