जळगाव (प्रतिनिधी) अंजुमन तालीमुल मुस्लिमीन संस्थेचे अध्यक्ष तथा राष्ट्रवादी अल्पसंख्यांक आघाडीचे प्रदेशाध्यक्ष अब्दुल गफ्फार मलिक यांना नुकतीच ग्लोबल ह्यूमन पीस युनिव्हर्सिटी, चेन्नई तर्फे पीएचडी प्रदान करण्यात आली असून यानिमित्त मनियार बिरादरीतर्फे त्यांचा सत्कार करण्यात आला.
मागील पन्नास वर्षापासून समाजाची सेवा करणारे अब्दुल गफ्फार मलिक यांना नुकतीच ग्लोबल ह्यूमन पीस युनिव्हर्सिटी, चेन्नई तर्फे पीएचडी प्रदान करण्यात आली. रविवारी संध्याकाळी त्यांचे जळगावात आगमन होताच जळगाव जिल्हा मनियार बिरादरीचे प्रदेशाध्यक्ष फारुक शेख, जळगाव जिल्ह्याचे उपाध्यक्ष सय्यद चाँद, जळगाव शहराचे सचिव सलीम मोहम्मद यांनी त्यांचे शाल व बुके देऊन स्वागत-सत्कार केले. यावेळी मुस्लीम इदगाह ट्रस्टचे सहसचिव अनीस शाह सुद्धा उपस्थित होते. मलिक यांना त्यांच्या सामाजिक कार्याची दखल घेत परराज्य विद्यापीठाने पीएचडी देणे हा एक प्रकारे जिल्ह्याचा नव्हे तर महाराष्ट्र राज्याचा गौरव असल्याचे मत मनियार बिरादरीचे प्रदेश अध्यक्ष फारुक शेख यांनी व्यक्त केले.
लवकरच भव्य असा सत्कार सोहळा होणार – डॉ बाबू शेख
गफ्फार मलिक यांना मिळालेल्या पीएचडी बाबत जळगाव शहरात त्यांचा भव्य दिव्य असा सत्कार सोहळा अंजुमन तालीमुल मुस्लिमीन ही संस्था व मानियार बिरादरीच्या सयुक्त विद्यमाने एका भव्य अशा हॉलमध्ये करण्यात येणार असून त्याचे नियोजन करण्यात आले आहे. या सत्कार सोहळ्यात इतर संस्थांना-संघटनांना सुद्धा सहभागी होता येईल असे आवाहन अँग्लो उर्दू हायस्कूल व ज्युनिअर कॉलेज चे प्राचार्य डॉ. बाबू शेख यांनी केले आहे. या कार्यक्रमाची दिनांक, वेळ व स्थळ लवकरच घोषित करण्यात येईल असे सुद्धा पत्रकात नमूद आहे.
