अमळनेर (प्रतिनिधी) अखिल भारतीय मराठी साहित्य संमेलनाच्या मंडपात गर्दी जमवण्यासाठी प्रशासनातर्फे ‘निवडणुकीचे काम आहे, असे आदेश देऊन बीएलओ, महसूल, न.पा. कर्मचारी, खासगी शाळा कर्मचारी यांना सक्ती केली जात, असल्याचा आरोप विद्रोही मराठी साहित्य संमेलनाचे कार्याध्यक्ष मुकुंद सपकाळे यांनी केला आहे.
अखिल भारतीय मराठी साहित्य संमेलनासाठी गर्दी जमवण्याच्या उद्देशाने विविध शाळेतील शिक्षकांना वाहने पाठवून विद्यार्थी आणण्याची सक्ती करणे, नगरपरिषदेसह स्थानिक स्वराज्य संस्थांच्या कर्मचारी, महसूल व विविध सरकारी कर्मचाऱ्यांना उपस्थितीची आदेश देऊन तंबी देणे या माध्यमातून अखिल भारतीय मराठी साहित्या संमेलनाला गर्दी जमवण्याचा प्रयत् केला जात आहे, असा आरोप सपकाळे यांनी केला आहे.
प्रशासनाने थोडा खुला दृष्टिकोन ठेवत विद्यार्थी, शिक्षक तसेच विविध सरकारी कर्मचाऱ्यांना सक्ती ना करता त्यांना मनापासून वाटेल त्या ठिकाणी जाऊन साहित्य संमेलनाचा आनंद घेण्याची मुभा द्यावी, असे आवाहन विद्रोही मराठी साहित्य संमेलन संयोजन समितीच्या वतीने केले आहे.
