आमदार एकनाथराव खडसे दिल्लीला रवाना ; भाजपामध्ये प्रवेश करणार असल्याची चर्चा !

जळगाव (प्रतिनिधी) आमदार एकनाथराव खडसे हे पुन्हा भाजपात जात असल्याच्या चर्चांना दोन दिवसांपासून वेग आला आहे. तशात ते सोमवारी सकाळी आमदार खडसे हे दिल्लीत दाखल झाले आहेत. त्यामुळे चर्चांना अधिकचे उधाण आये आहे. आमदार एकनाथराव खडसे यांच्याशी संपर्क साधण्याचा प्रयत्न केला आता तो होवू शकला नाही.

आमदार खडसे स्वगृही भाजपात परतणार ?
रावेर लोकसभेसाठी विद्यमान खासदार रक्षा खडसे यांना उमेदवारी जाहीर करण्यात आल्यानंतर जळगावसाठी विद्यमान खासदार उन्मेश पाटील यांचे तिकीट कापून स्मिता वाघ यांना उमेदवारी जाहीर करण्यात आली मात्र रावेर लोकसभेच्या जागेवरून भाजपातील अंतर्गत वाद-विवाद समोर आले तर पक्षातूनच खासदार खडसे यांना मोठा विरोध समोर आला. त्यानंतर आता आमदार खडसे पुन्हा भाजपमध्ये प्रवेश करणार असल्याच्या जोरदार चर्चा सुरू झाल्या आहेत. पक्ष प्रवेशाच्या चर्चांबाबत आमदार खडसे यांच्याशी संपर्क साधला असता तो होवू शकला नाही.

भाजपच्या वरिष्ठांशी माझे चांगले संबंध !
भाजपमध्ये जाण्याचं कुठलंही मेजर कारण नाही आणि माझी इच्छाही नाही. मात्र केव्हाही जाईल त्यावेळी राष्ट्रवादी काँग्रेसचे अध्यक्ष शरद पवार यांना कळवेल. शरद पवार यांच्या संमतीने जाईल. मी लपून-छपून जाणार नाही. ज्यावेळी जाईन तेव्हा उघडपणे जाईन पण शरद पवार यांच्या सल्ल्याने जाईन, असे मोठे वक्तव्य आमदार एकनाथ खडसे यांनी काही दिवसांपूर्वी भाजपा प्रवेशाच्या चर्चेवर केले होते. भाजपमध्ये मला जायचं असेल तर यांच्या (मंत्री गिरीश महाजन) यांच्या परवानगीची गरज नाही. मी 40-42 वर्ष भाजपमध्ये होतो त्यामुळे यांच्यापेक्षा वरिष्ठांशी माझे चांगले संबंध आहेत आणि आजही आहेत. पक्षाच्या तत्त्वाशी मतभेद असू शकतात मात्र व्यक्ती म्हणून मी काही कोणाशी मारामार्‍या केलेल्या नाहीत, असेही त्यावेळी आमदार एकनाथ खडसे म्हणाले होते.

दिल्लीवारीमुळे भाजपा प्रवेशाच्या पुन्हा जोरदार चर्चा
रविवारी रात्री राजधानी एक्स्प्रेसने आमदार खडसे हे दिल्लीला रवाना झाल्यानंतर सोमवारी दिवसभरात पक्षश्रेष्ठी शरद पवार यांची भेट घेणार आहेत शिवाय दुपारी भाजपा श्रेष्ठींशी त्यांची भेट होणार असल्याची चर्चा असून त्यानंतर त्यांच्या भाजपा प्रवेशाचा निर्णय होईल, अशी ही चर्चा आहे. दरम्यान, राजकीय वर्तुळात विविध चर्चा होत असल्यातरी आमदार खडसे हे शरद पवार यांच्या भेटीसह सुप्रीम कोर्टाच्या कामकाजानिमित्त दिल्लीत गेल्याची माहिती आमदार खडसे यांच्या निकटवर्तीयांनी दिली आहे.