चाळीसगाव (प्रतिनिधी) चाळीसगावात निकालापूर्वीच आमदार मंगेश चव्हाण यांचे पुन्हा आमदारपदी पुन्हा एकदा निवडून आल्याबद्दल अभिनंदनाचे बॅनर शहरात झळकले आहेत. या बॅनरची शहरासह तालुक्यात एकच चर्चा आहे.
भाजप युवा मोर्चाकडून शहरात आमदार मंगेश चव्हाण यांच्या विजयाचे बॅनर लावण्यात आले आहे. निकालाला एक दिवस बाकी असताना कार्यकर्त्यांचा उत्साह शिंगेला पोहचला असल्याचे यानिमित्ताने दिसून येत आहे. विकासाचा दुसरा अध्याय लिहिण्यासाठी सज्ज असाही बॅनरवर उल्लेख आहे.
चाळीसगाव विधानसभेत भाजपचे मंगेश चव्हाण विरुद्ध शिवसेना उबाठाचे माजी खासदार उन्मेश पाटील यांच्यात थेट सामना रंगला होता. या लढतीकडे संपूर्ण जिल्ह्यासह तालुका वासियांचे या निकालाकडे लक्ष लागलेले असताना निकालापूर्वीच मंगेश चव्हाण यांचे विजयाचे बॅनर झळकल्याने तालुक्याभरात चर्चा सुरू झाली आहे.
