पुणे (वृत्तसंस्था) राष्ट्रवादी काँग्रेस चंद्रकांत पाटील यांच्या विरोधात आक्रमक झाली आहे. पुण्यातील पाषाण भागात चंद्रकांत पाटील यांच्याविरोधात राष्ट्रवादी युवक काँग्रेसने खास पुणेरी बॅनर लावत निषेध नोंदविला आहे.
‘एका महिलेचा मतदार संघ चोरून आमदार झालेल्या माणसाकडून अजून काय अपेक्षा करणार…’ असा बॅनर राष्ट्रवादी युवक काँग्रेसच्या वतीने लावण्यात आला आहे. या बॅनरवर ‘चंपावाणी’ असा हॅशटॅग सुद्धा वापरण्यात आला आहे. त्यानंतर आता पुण्यात भाजप आणि राष्ट्रवादी काँग्रेसचा संघर्ष आणखी तीव्र होण्याचे चिन्ह आहेत.
काय म्हणाले होते चंद्रकांत पाटील?
खासदार सुळे यांनी मध्यप्रदेशच्या सरकारने दोन दिवसांमध्ये दिल्लीत असं काय केलं ज्यामुळे मध्य प्रदेशात आरक्षण मिळालं, असा सवाल केंद्र सरकारला विचारला होता. त्यावर चंद्रकांत पाटील यांनी टोला लगावला होता. ‘कळत नाही एक शिष्टमंडळ पाठवायचं, आता घरी जाण्याची वेळ झालीये. तुम्ही दिल्लीत जा नाहीतर म्हसनात जा, शोध घ्या आणि आरक्षण द्या’, असं चंद्रकांत पाटील म्हणाले होते
