जळगाव (प्रतिनिधी) शहरातील मोहाडी परिसरातील एका अल्पवयीन मुलीला फूस लावून पळवून नेत तिचा विनयभंग केल्याप्रकरणी एका आरोपीविरुद्ध गुन्हा दाखल करण्यात आलेला आहे. दरम्यान आरोपीला अटक करण्यात आली असून न्यायालयाने त्याची कारागृहात रवानगी केली आहे.
यासंदर्भात पीडित मुलीच्या काकुने फिर्यादीत म्हटले आहे की, त्यांच्या पुतणीस कुणीतरी अज्ञात आरोपी १४ ऑक्टोबर रोजी फूस लावून पळवून घेऊन गेला आहे. त्यानुसार भादवि कलम ३६३ अन्वये अज्ञात आरोपीविरुद्ध गुन्हा दाखल करण्यात आलेला होता. त्यानंतर पीडित तरुणी १९ ऑक्टोबर रोजी घरी आल्यानंतर त्यांनी पोलिस स्थानकात हजर होऊन जबाब दिला की गल्लीत राहणारा अमोल चंदन सोनवणे याच्यासोबत प्रेमसंबंध होते. ते एकमेकांना लपून भेटत होते. १४ ऑक्टोबर रोजी पिडित मुलगी अमोल याला भेटण्यास मागच्या दारी गेली असता त्याने लग्नाचे आमिष दाखवून तिला सोबत पळून नेले. रात्री ते एका शेतात थांबले. त्या ठिकाणी अमोल याने रात्री अडीच वाजेच्या सुमारास पीडिते सोबत अंगलट करण्याचा प्रयत्न केला. परंतू त्यावेळी पिडीत मुलीने नकार दिला आणि ती झोपून गेली. त्यानंतर आरोपी पिडीतेला तिथेच सोडून निघून गेला. पहाटे जाग आल्यानंतर पिढीचा घाबरली आणि आपल्या एका मैत्रिणीच्या घरी गेली. तेथे गेल्यानंतर पालकांची संपर्क साधला आणि घरी पोहोचत सर्व हकीकत सांगितली. यानुसार आरोपीविरुद्ध भादवि कलम ३५४ सह पोस्को कायदा कलम ८ ,१४ असे वाढीत कलम लावण्यात आले आहे. दरम्यान, आरोपीला आज न्यायालयात हजर केले असता त्याला १४ दिवसांची न्यायालयीन कोठडी सुनावण्यात आली आहे.
