जामनेर (प्रतिनिधी) तालुक्यातील एका गावात राहणाऱ्या एका २२ वर्षीय तरुणीचा विनयभंग झाल्याची धक्कादायक घटना घडली आहे. याप्रकरणी पहूर पोलीस ठाण्यात इमाम मंसूर तडवी, सादिक हनिफ तडवी, सागर रमेश पाटील या तिघांविरुद्ध गुन्हा दाखल करण्यात आला आहे.
यासंदर्भात अधिक असे की, दि. ७ एप्रिल २०२२ रोजी इमाम मंसुर तडवी याने तरुणीला तिच्या घरासमोर अंगनात धुनी-भांडी करत असतांना डोळा मारुन तसेच अश्लिल शब्द बोलला. तसेच सादिक हानिफ तडवी, सागर रमेश पाटील यांना घटनास्थळी बोलावुन यांनी सुध्दा पीडित तरुणीला अश्लिल शब्द बोलले.”यानंतर रात्री 8 वाजेच्या सुमारास तरुणी शौचालयास जात असतांना बाभुळच्या झाडाजवळ इमाम तडवी याने हात पकडला व सादिक, सागर यांनी तरुणीच्या मनात लज्जा उत्पन्न होईल असे कृत्य केले. तसेच तु जर कुणाला सांगीतले तर तुला मारुन टाकु, अशी धमकी दिली. याप्रकरणी पीडित तरुणीच्या फिर्यादीवरून पहूर पोलीस ठाण्यात इमाम मंसूर तडवी, सादिक हनिफ तडवी, सागर रमेश पाटील (सर्व रा. ढाल गाव ता. जामनेर) या तिघांविरुद्ध गुन्हा दाखल करण्यात आला आहे. तसेच पुढील तपास पोहे. कॉ. सफौ अनिल सुरवाडे करीत आहेत.
