जळगाव (प्रतिनिधी) जळगाव महानगरपालिकेचे सहाय्यक आयुक्त कल्याण हुलगे यांची बदली सातारा जिल्ह्यातील खंडाळा नगरपंचायत येथे झाली आहे.
दि.२२ एप्रिल रोजी जळगाव येथील सहाय्यक आयुक्त सुमित जाधव यांची माळशिरस नगरपंचायतीच्या मुख्याधिकारीपदी झाली असून तेथील मुख्याधिकारी कल्याण हुलगे यांची बदली जळगाव महापालिकेत सहाय्यक आयुक्त पदी झाली होती. ही बदली होवून दोन महिने पुर्ण होत नाही तोपर्यंतच कल्याण हुलगे यांची बदली खंडाळा येथे झाली आहे. तसेच ५ जून रोजी नागपूर जिल्ह्यातील मोहपा नगरपरिषदेचे मुख्याधिकारी नितीन बागुल यांची नियुक्ती जळगाव मनपाच्या सहाय्यक आयुक्त पदी झाली होती. त्यांच्याकडे जामनेर नगरपरिषदेचा अतिरिक्त कार्यभार सोपविण्यात आला आहे. तर, मनपाचे तत्कालिन उपायुक्त अविनाश गांगोडे यांची विधानसभा निवडणुकीपुर्वी नवापुर येथे बदली झाली होती. त्यानंतर आता त्यांची बदली जळगाव जिल्ह्यातील फैजपूर नगरपरिषदेच्या मुख्याधिकारी पदी झाली आहे.
