जळगाव (प्रतिनिधी) राज्य सरकारने सोमवार, २३ जून रोजी आगामी महानगरपालिका निवडणुकांसाठी प्रभागरचनेचे सुधारित वेळापत्रक जाहीर केले आहे. यानुसार प्रभाग रचना अंतिम करण्यासाठी एक महिन्याची मुदतवाढ देण्यात आली असून त्यामुळे महानगरपालिका, नगरपालिका आणि नगरपंचायतींच्या निवडणुका नोव्हेंबरपर्यंत पुढे जाणार आहेत.
सुधारित वेळापत्रकानुसार मुंबई महानगरपालिकेसह राज्यातील राज्यातील अ, ब आणि क वर्गातील महानगरपालिका –
प्रभागरचना ३ ते ६ ऑक्टोबर या कालावधीत राज्य निवडणूक आयोग अंतिम करेल. त्यानंतर संबंधित महानगरपालिकेचे आयुक्त ती जाहीर करतील.
ड वर्गातील महानगरपालिका –
प्रभागरचना ९ ते १३ ऑक्टोबर दरम्यान अंतिम केली जाईल व महापालिका आयुक्त ती प्रसिद्ध करतील.
नगरपालिका व नगरपरिषद –
प्रभागरचना २६ ते ३० सप्टेंबर या कालावधीत अंतिम केली जाईल आणि संबंधित नगरपरिषदेचे मुख्याधिकारी ती जाहीर करतील.
