मुंबई (वृत्तसंस्था) नार्कोटिक्स कंट्रोल ब्युरो (NCB) ने आज सकाळी मुंबईच्या वांद्रे भागात चित्रपट निर्माते इम्तियाज खत्री यांच्या घरी आणि कार्यालयावर छापे टाकले. एनसीबीने अचानक हा छापा मारला असून इम्तियाज खत्रीवर मुंबई रेव्ह पार्टी प्रकरणात सहभाग असल्याचा आरोप केला आहे. दरम्यान इम्तियाज खत्री या प्रोड्युसरला ताब्यात घेण्यात आलं आहे.
आर्यन खान ड्रग्स प्रकरणात आणखी एका व्यक्तीचं नाव समोर आलं आहे. NCBने मुंबईतील बांद्रा येथे छापा मारला आहे. दरम्यान इम्तियाज खत्री या प्रोड्युसरला ताब्यात घेतलं आहे. त्याच्याकडे काही प्रमाणात ड्रग्स आढळून आले आहेत. रात्रीपासून NCB ही कारवाई करत होती. क्रूझ पार्टीत इम्तियाज खत्रीने हे ड्रग्स पुरवल्याचं म्हटलं जात आहे. कारण तो अटक केलेल्या एका आरोपीच्या संपर्कात होता. त्याच्याशी व्हॉट्सऍप चॅट करत असल्याचंही आढळून आलं आहे.
कोण आहे इम्तियाज खत्री
इम्तियाज खत्री हा पेश्याने एक बिल्डर आहे. INK इंफ्रास्ट्रक्चर नावाची त्याची एक कंपनी आहे. इतकंच नव्हे तर त्याची वीवीआईपी यूनिवर्सल एंटरनेटमेंट नावाची सुद्धा कंपनी आहे. यामध्ये अनेक बॉलिवूड कलाकरांना संधी दिली जाते. तो बॉलिवूड चित्रपटांमध्ये पैशांची गुंतवणूक करतो. इतकंच नव्हे तर मुंबईमध्ये त्याची एक क्रिकेट टीमसुद्धा आहे.
