जळगाव (प्रतिनिधी) रावेर लोकसभा मतदार संघात राष्ट्रवादी शरद पवार गटाने श्रीराम पाटील यांना उमेदवारी दिली. परंतू भुसावळचे माजी आमदार संतोष चौधरी यांनी लादलेला उमेदवार, एकनाथराव खडसे यांनी पाठवलेला डमी उमेदवार, अशा शब्दात आपली नाराज व्यक्त केली होती. राष्ट्रवादीतील मतभेद दूर करण्यासाठी प्रदेशाध्यक्ष जयंत पाटील जळगावात दाखल झाले आहेत. परंतु ते आल्यावर उमेदवार श्रीराम पाटील विमानतळावर गेले नाही. तसेच बैठकीला देखील सर्वात शेवटी दाखल झाले. त्यामुळे पदाधिकाऱ्यांनी नाराजी व्यक्त केल्याचे कळते.
प्रदेशाध्यक्ष जयंत पाटील एका हॉटेल पदाधिकाऱ्यांसोबत बंद द्वार बैठक घेत आहेत. या बैठकीला राष्ट्रवादी काँग्रेसच्या महिला प्रदेशाध्यक्ष रोहिणी खडसे यांच्यासह पदाधिकारी उपस्थित आहेत. रावेर व जळगाव लोकसभा मतदार संघाबाबत चर्चा बैठकीत होणार आहे. त्या पार्श्वभूमीवर पदाधिकाऱ्यांची बैठक घेण्यात आली. काँग्रेसचे आमदार शिरीष चौधरी हे सुद्धा बैठकीला हजर असल्याने चर्चा आहे. परंतु ज्या उमेदवारासाठी बैठक घेत आहेत ते रावेर लोकसभेचे उमेदवार श्रीराम पाटील बैठकीला सर्वात शेवटी उशिराने पोहोचले. त्यामुळे पदाधिकाऱ्यांनी नाराजी व्यक्त केल्याचे कळते.
प्रदेशाध्यक्ष जयंत पाटील यांचे स्वागत करण्यासाठी जळगाव विमानतळावर राष्ट्रवादीचे सर्व पदाधिकारी पोहचले. परंतु रावेर लोकसभा मतदार संघातील पक्षाचे अधिकृत उमेदवार श्रीराम पाटील आले नाही. यामुळे राष्ट्रवादी काँग्रेसमधील जळगाव जिल्ह्यातील नेत्यांनी नाराजीचा सूर लावला. रावेर लोकसभा मतदार संघात निवडणूक लढवण्यासाठी माजी आमदार संतोष चौधरी इच्छूक होते. परंतु या ठिकाणी भाजपमधून एका दिवसापूर्वी आलेल्या श्रीराम पाटील यांना उमेदवारी देण्यात आली. विशेष म्हणजे श्रीराम पाटील भाजपमध्ये फेब्रुवारी महिन्यात गेले होते. श्रीराम पाटील यांना उमेदवारी दिल्यामुळे संतोष चौधरी आणि त्यांचे समर्थक नाराजी आहे. त्यांनी आपली ही नाराजी उघडपणे व्यक्त केली. आता जयंत पाटील संतोष चौधरी यांची नाराजी दूर करण्यात यशस्वी होतात का? हा प्रश्न आहे. तर प्रदेशाध्याक्षांना काळजी आहे. परंतू उमेदवार मात्र बेफिकीर कसा राहू शकतो?, अशा शब्दात काही पदाधिकाऱ्यांनी नाराजी व्यक्त केल्याचे कळते. याबाबतचे वृत्त एका वृत्त वाहिनीने दिले आहे.
नाराज असलेले माजी आमदार संतोष चौधरी यांच्याशी आमची चर्चा सुरू आहे. संतोष चौधरी यांनी आजपर्यंत शरद पवार यांच्यावर निष्ठा ठेवून काम केले आहे. यापुढेही ते पवार साहेबांच्या लढ्यात त्यांना साथ देतील असा विश्वास जयंत पाटील यांनी व्यक्त केला आहे.