नांदेड (वृत्तसंस्था) तू आमच्या घराकडे का बघतोस या कारणासाठी काकाच्या परिवाराने आपल्या पुतण्याचा चाकूने भोसकून खून केल्याची घटना भोजू तांडा आंदेगाव वाडी (ता. मुखेड) येथे मंगळवारी (दि. १०) सायंकाळी ७ च्या सुमारास घडली. विनोद रमेश राठोड (वय २०), असे मयताचे नाव आहे.
मुक्रमाबाद येथून जवळच असलेल्या भोजू तांडा आंदेगाव वाडी येथील विनोद राठोड याला आमच्या घराकडे का बघतोस म्हणून काका धोंडीबा देवला राठोड, पिंटू उर्फ अंकुश बळीराम राठोड, काशाबाई धोंडीबा राठोड, शामा (कल्पना) धोंडीबा राठोड या चार जणांनी मिळून चाकूने भोसकून खून केला. यावेळी मयताचा भाऊ अन् आई-वडीलांनी पाया पडतो मारु नका अशी विनवणीही केली होती. जखमी विनोदला देगलूर येथे दाखल केले असता उपचारापूर्वीच त्याची प्राणज्योत मालवली.
याबाबत रमेश गोविंदराव राठोड ४५ यांनी दिलेल्या फिर्यादीवरुन मुक्रमाबाद पोलिस ठाण्यात उपरोक्त चार जणांविरुद्ध गु.र.न. २०४ / २३ कलम ३०२, ३२३, ३२४, ५०६, ३४ दाखल करण्यात आला आहे. सर्व आरोपींना अटक करण्यात आली आहे.
