नशिराबाद (सुनिल महाजन) शहरातील न्यू इंग्लिश स्कूल परिवारातर्फे न्यू इंग्लिश स्कूल परिवारातर्फे मराठी नववर्ष निमित्त गुढीपाडवा उत्साहात साजरा करण्यात आला. यावेळी सर्वप्रथम प्रभू श्रीरामचंद्र यांच्या पालखीचे पूजन मान्यवरांच्या हस्ते करण्यात येऊन सोहळ्यास प्रारंभ करण्यात आला.
या शोभयात्रचे मुख्य आकर्षण गुढी व विद्यार्थांनी तयार केलेली सजीव आरास यात प्रभू श्रीरामचंद्र, लक्ष्मण, सीता, भरत, शत्रुघ्न व हनुमान, जिजामाता, छत्रपती शिवाजी महाराज, राणी लक्ष्मीबाई, रावण हे होते तसेच या रॅलीत प्राथमिक व माध्यमिक विद्यार्थांनी लेझीम सादर केली. तर इतर विद्यार्थांनी मोबाईलचे दुष्परिणाम यावर आधारित पथनाट्य सादर केले.
पथनाट्यसाठी प्रमुख मार्गदर्शन विद्यालयाचे माजी पर्यवेक्षक बी.आर. खंडारे सर यांनी केले. या रॅलीत सर्व विद्यार्थांनी मराठी वेशभूषा परिधान करून सर्व गावकऱ्यांना घोषवाक्यांद्वारे मराठी नववर्षाच्या शुभेच्छा दिल्या. या सोहळ्यात संस्थेचे कार्याध्यक्ष योगेश पाटील, उपकार्याध्यक्ष प्रमिलाताई महाजन, उपाध्यक्ष विनायक वाणी, सचिव मधुकर चौबे, संचालक जनार्दन माळी व राजेश पाटील, मुख्याध्यापक सी बी अहिरे, प्रविण महाजन व पर्यवेक्षक एस वाय पाटील मॅडम यांनी उपस्थिती देऊन विद्यार्थांचा आनंद व्दिगुणित केला. या कार्यक्रमाचे नियोजन माध्यमिक विभागाचे शिक्षक अनिल चौधरी, जे वाय महाजन, आर एल पाचपांडे तर प्राथमिक विभागाचे तुषार रंधे, शितल चावरे, सुनिता शिवरामे व वर्षा नारखेडे यांनी केले त्यांना सर्व शिक्षक व शिक्षकेत्तर कर्मचारी यांचे सहकार्य मिळाले.
