धरणगाव (प्रतिनिधी) ठाण्याच्या महात्मा फुले हायस्कूल धरणगावमध्ये धरणगाव शहरातील पत्रकारांचा आज (दि. २३ ऑक्टोबर, २०२० रोजी) गुलाब, पुष्प ग्रंथ देऊन सत्कार करण्यात आला.
छोटेखानी कार्यक्रमाचे प्रास्ताविक पी.डी. पाटील यांनी केले. याप्रसंगी AVB न्यूज वृत्तवाहिनी धरणगावचे तालुका प्रतिनिधी आबासाहेब राजेंद्र वाघ यांचा सत्कार शाळेचे पर्यवेक्षक जे. एस. पवार यांनी केला. लोकमत वृत्तपत्राचे नवनियुक्त पत्रकार आर. डी. महाजन व कल्पेश महाजन यांचा सत्कार हेमंत माळी व एम.बी. मोरे यांनी केला यानंतर परीट समाजाचे युवक शहर अध्यक्ष विनोद सुरेश रोकडे यांचा सत्कार पी.डी. पाटील यांनी केला.
याप्रसंगी सर्व सत्कार मूर्तींना महापुरुषांचे ग्रंथ व पुष्पगुच्छ देऊन सन्मान करण्यात आला. यामध्ये शिवजयंतीचे जनक राष्ट्रपिता महात्मा ज्योतिराव फुले , राष्ट्रमाता जिजाऊ चरीत्र , विश्वनिर्माते , देशाचे दुश्मन , विद्येची महानायिका सावित्रीबाई फुले या ग्रंथांचा समावेश होता.
याप्रसंगी शाळेच्या मुख्याध्यापिका पी. आर. सोनवणे, पर्यवेक्षक जे. एस. पवार, व्ही.टी. माळी, एस.व्ही.आढावे, एम. बी. मोरे, हेमंत माळी, पी.डी. पाटिल, श्रीमती व्ही.पी. वऱ्हाडे, अशोक पाटील तसेच सर्व शिक्षक बंधू भगिनी व कर्मचारी वृंद उपस्थित होते.
