धरणगाव (प्रतिनिधी) तालुक्यातील पाळधी येथे प्रेम विवाह केलेल्या तरुणीचा ३१ डिसेंबरच्या रात्री सासरच्या घरी संशयास्पद मृत्यूप्रकरणी दाखल गुन्ह्यातील ३ आरोपींना दोन दिवसाची पोलीस कोठडी मिळाली आहे.
घरून पळून जाऊन मंदिरात लग्न केलेल्या तरुणीचा ३१ डिसेंबरच्या रात्री पाळधी येथे सासरच्या घरी संशयास्पद मृत्यू झाला होता. तर आज तिच्या पतीचा देखील उपचारादरम्यान, मृत्यू झाला आहे. दरम्यान, आपल्या मुलीचा खून झाला आहे असा आरोप दिवसभर माध्यमांसमोर करणाऱ्या मुलीच्या वडिलांच्या फिर्यादीवरून चार जणांविरुद्ध तिला आत्महत्येस प्रवृत्त केल्याचा गुन्हा रात्री उशिरा दाखल करण्यात आला होता. त्यानुसार मुलाच्या वडिलांसह त्याच्या दोन मित्रांना अटक करण्यात आली होती. त्यात विजयसिंग पाटील, विजय बोरसे, विकास कोळी यांचा समावेश होता. या सर्व संशयिताना धरणगाव न्यायालयात हजर केले असता, त्यांना २ दिवसाची पोलीस कोठडी सुनावण्यात आली. आरोपींकडून अॅड. मनोज दवे यांनी कामकाज पहिले.