जळगाव (प्रतिनिधी) अ.भा.गुर्जर देवसेनेचे राष्ट्रीय महासचिव डॉ.गजानन पाटील, स्व.नरेंद्रअण्णा पाटील फाउंडेशनचे पियुष पाटील यांच्या पुढाकाराने दीक्षित वाडी फिटनेस प्लॅनेट जीम या ठिकाणी भव्य रक्तदान शिबिराचे आयोजन करण्यात आले होते. लोहपुरुष सरदार वल्लभभाई पटेल यांच्या जयंतीनिमित्त रक्तदान शिबीराचे आयोजन करण्यात आले होते.
कार्यक्रमाच्या अध्यक्षस्थानी रावेर लोकसभा मतदारसंघाच्या खासदार श्रीमती रक्षाताई खडसे, जळगाव जिल्हा पालकमंत्री गुलाबराव पाटील, जळगाव शहराचे आमदार राजूमामा भोळे, फिटनेस प्लॅनेट जीमचे अध्यक्ष मनोज भास्करराव पाटील आदी मान्यवर व्यासपीठावर उपस्थित होते. प्रदेश प्रमुख महासचिव विवेक गुर्जर, प्रदेश कोषाध्यक्ष दिनेश जाधव, जिल्हाअध्यक्ष देवा गुर्जर,जिल्हा प्रभारी किरण पाटील,जिल्हा सह प्रवक्ता वृषभ पाटील, सूनय पाटील, सारंग चौधरी, योगेश निंबाळकर, निखील पोपटांनी राहुल शर्मा, मयुर चौधरी, आधी रक्तदाते मित्रपरिवाराने परिश्रम घेतले होते.
