जळगाव (प्रतिनिधी) व्हिडीओ कॉल करून महिलेने एका ६५ वर्षीय वृद्धाचा नग्न व्हिडिओ शुट केला. त्यानंतर त्याला तो व्हिडीओ सोशल मीडियावर व्हायरल झाला असून तो डिलीट करायच्या नावाखाली त्यांच्याकडून ४३ लाख ३ हजार ४९० रुपयांची खंडणी उकळल्याची घटना जळगावात घडली आहे. याप्रकरणी सायबर पोलीस ठाण्यात गुन्हा दाखल करण्यात आला आहे.
या संदर्भात पिडीत वृद्धाने दिलेल्या फिर्यादीत म्हटले आहे की, २५ जानेवारी ते २ फेब्रुवारी २०२४ च्या दरम्यान, वेळोवेळी पुजा शर्मा, संजय माथुर मोबाईल क्रमांक- ९३९५३३८४५६, ८८१७५०८६५७, राहुल शर्मा मोबाईल क्रमांक- ६००२१२७६०४, ८०५८४४१९६० यांनी त्यांच्या मोबाईलवर मॅसेजेस आणि व्हिडीओ कॉल करुन, माझ्या कामोद्दीपक भावना उत्तेजीत केल्यात. तसेच पिडीत वृद्धाचा नग्न व्हिडीओ रेकॉर्ड केला. त्यानंतर सदर व्हिडीओ युटयुबवर व्हायरल झाला असून, तो डिलीट करायचा असेल तर पैसे द्यावे लागतील. अन्यथा तुमच्या घरी पोलीस पाठवुन तुमच्या विरुध्द कायदेशिर कार्यवाही करण्याची पिडीत वृद्धाला धमकी दिली आणि ब्लॅकमेल करुन त्यांच्याकडुन वेळोवेळी एकुण ४३ लाख ३ हजार ४९० रुपये खंडणीच्या स्वरुपात विविध बैंकाव्दारे स्विकारली.
त्रास असह्य झाल्यानंतर पिडीत वृद्धाने शेवटी जळगाव सायबर पोलिसात संजय माथुर मोबाईल क्रमांक- ९३९५३३८४५६, ८८१७५०८६५७ आणि राहुल शर्मा याचा मोबाईल क्रमांक ६००२१२७६०४ असे बनावट नाव सांगणारे मोबाईल धारक व बैंक खाते धारकाविरुध्द तक्रार दिली. या प्रकरणी विविध कलमान्वये गुन्हा दाखल करण्यात आला असून पुढील तपास पो.नि. शिल्पा पाटील ह्या करीत आहेत.
