अडावद (प्रतिनिधी) अडावद बस स्टॅन्डमध्ये लिबर्टी स्वीट मार्ट समोर एका युवकाला पोटावर पाठीवर चाकूने वार करून खुनाचा प्रयन्त केल्याप्रकरणी सचिन मंगल भोई याच्याविरुद्ध अडावद पोलीस ठाण्यात गुन्हा दाखल करण्यात आला आहे.
यासंदर्भात अधिक असे की, दि. १७ फेब्रुवारी २०२२ रोजी अडावद बस स्टॅन्डमध्ये लिबर्टी स्वीट मार्ट समोर सचिन मंगल भोई (वय २० रा. अडावद ता. चोपडा) याने त्याच्या ताब्यातील टाटा मॅजिक गाडी क्र. एम.एस. २० बी वाय ७६९७ हीचा विशाल सुभाष कोळी (वय ३०, रा. अडावद ता. चोपडा) यांचे मोटार सायकलला धक्का लागल्याच्या कारणावरून वाद उत्पन्न करून शिवीगाळ दामदट्टी करून जीवे ठार मारण्याच्या उद्देशाने पोटावर पाठीवर चाकूने वार करून विशाल कोळी याला जखमी केले. याप्रकरणी गोपीचंद हरी कोळी (वय ५५ रा. अडावद ता. चोपडा) यांनी दिलेल्या फिर्यादीवरून अडावद पोलीस ठाण्यात सचिन मंगल भोई याच्याविरुद्ध गुन्हा दाखल करण्यात आला आहे. पुढील तपास सपोनि किरण दांडगे करीत आहेत.
