जळगाव (प्रतिनिधी) शहरातील हॉटेल जयश्रीमध्ये वेटरने रोख रक्कमेसह मोबाईल चोरून नेल्याचा प्रकार समोर आला आहे. याप्रकरणी ओम निलेश्वर चतुर्वेदी याच्याविरुद्ध जिल्हापेठ पोलीस ठाण्यात गुन्हा दाखल करण्यात आला आहे.
यासंदर्भात अधिक असे की, दिनांक १७ फेब्रुवारी २०२२ रोजी रात्री च्या सुमारास जळगाव शहरातील ख्वॉजामिया चौकाजवळ असलेल्या हॉटेल जयश्री मध्ये वेटर ओम निलेश्वर चतुर्वेदी याने हॉटेलची कॅबीनमध्ये असलेले लॉकर तोडुन त्यात असलेली १ लाख ५ हजार ९३० रुपयांची रक्कम चोरुन नेली तसेच साक्षीदार जितेंद्र नथ्थुराम गोस्वामी याचा मोबाईल फोन करण्यासाठी घेवून गेला तो परत दिला नाही, याप्रकरणी शरद प्रकाश पवार (वय २९ रा. सावखेडा पोस्ट अजिंठा लेणी ता. सोयगाव जिल्हा औरंगाबाद ह. मु. शाहूनगर नुरानी मशिदी समोर जळगाव) जिल्हापेठ पोलीस ठाण्यात ओम निलेश्वर चतुर्वेदी याच्याविरुद्ध गुन्हा दाखल करण्यात आला आहे. पुढील तपास पोना संतोष सोनवणे हे करीत आहेत.
