धरणगाव (प्रतिनिधी) तालुक्यातील पाळधी बु येथील व्यापाऱ्याला बजाज फायनान्स कंपनीची खोटी लिंक पाठवून ७३ हजार ९९६ रुपयांची ऑनलाईन फसवणूक झाल्याची घटना उघडकीस आली आहे. याप्रकरणी धरणगाव पोलीस स्टेशन अंतर्गत पाळधी दूरक्षेत्रात प्रियम कल्पदा झा, पंकजसिंग भदोरिया यांच्याविरुद्ध गुन्हा दाखल करण्यात आला आहे.
यासंदर्भात गोविंद सुनील झवर (वय २६ रा. मारवाडी गल्ली पाळधी बु ता. धरणगाव) यांनी दिलेल्या फिर्यादीनुसार, दि. ३ मे २०२२ रोजी रात्री १२.२६ ते १३.३७ वाजेचा दरम्यान प्रतीम झा याने त्याचा मोबाईल नंबर ९६९२६५३६२४ वरुन बाजाज फायनान्स कंपनीची खोटी लिंक पाठवून गोविंदा झवर यांची ऑनलाईन ७३,९९६ रुपयांची फसवणुक केली आहे. याप्रकरणी धरणगाव पोलीस स्टेशन अंतर्गत पाळधी दूरक्षेत्रात प्रियम कल्पदा झा, पंकजसिंग भदोरिया यांच्याविरुद्ध गुन्हा दाखल करण्यात आला असून पुढील तपास पोहेकॉ अरुण निकुंभ हे करीत आहेत.
