नाशिक (प्रतिनिधी) महाराष्ट्र असोसिएशनतर्फे राज्यस्तरीय १६ वर्षाखालील स्पर्धा २७ फेब्रुवारी ते १ मार्च या कालावधीत उस्मानाबाद येथे तर १८ वर्षाखालील स्पर्धा ५ ते ७ मार्च या कालावधीत बीड तसेच २१ वर्षाखालील स्पर्धा १२ ते १४ मार्च या कालावधीत ब्रम्हपुरी जिल्हा चंद्रपूर येथे होत आहे. यासाठी नाशिक विभागीय संघ निवड चाचणी स्पर्धेचे आयोजन नाशिक विभागीयतर्फे करण्यात आले आहे.
या स्पर्धांमध्ये नाशिक विभागाचा संघ सहभागी होणार आहे. यासाठी नाशिक विभागीय संघ निवड चाचणी स्पर्धेचे आयोजन नाशिक विभागीयतर्फे करण्यात आले आहे. सदर स्पर्धा खालील ठिकाणी होणार आहे.
१८ (ज्युनिअर) वर्षांखालील मुले व मुली व २१ (युथ) वर्षांखालील मुले व मुली याची स्पर्धा ही १९फेब्रवारी २०२१ वार शुक्रवार रोजी सकाळी १० वाजता छत्रपती शिवाजी महाराज स्टेडियम सी.बी.एस. नाशिक जिल्हा नाशिक येथे तसेच १६ (सबज्युनिअर) वर्षांखालील मुले व मुली यांची स्पर्धा हि २१ फेब्रुवारी रोजी सकाळी १० वाजता नूतन मराठा हायस्कूल जळगाव येथे निवड चाचणी होईल या निवड चाचणीतून नाशिक विभागाच्याचा संघ निवडला जाईल व तो राज्यस्तरीय स्पर्धेसाठी पात्र ठरेल.
१६ वर्ष सबज्युनियर स्पर्धेसाठी खेळाडूंची जन्मतारीख १ जानेवारी २००५ यानंतर जन्मलेला असावा तसेच १८ वर्ष वयोगटातील मुलं आणि मुली १ जानेवारी २००३ नंतर जन्मलेला असावा. २१ वर्षावयोगटातील मुलं व मुली १ जानेवारी २००० नंतर जन्मलेल्या असावा खेळाडूंनी आपल्या जन्मतारखेच्या प्रमाणपत्र, आवश्यक किट सह प्रवेश शुल्क सहित उपस्थिती द्यावी असे आवाहन नाशिक विभागीय व्हॉलिबॉल संघटनेचे सचिव रविंद्र कंखरे यांनी एका पत्रकाद्वारे केले आहे.
