भुसावळ (प्रतिनिधी) शहरातील एका खाजगी स्पर्धा परीक्षा क्लासेसच्या शिक्षकाने १९ वर्षीय विद्यार्थिनीचा विनयभंग केल्याची संतापजनक घटना उघडकीस आली आहे. या प्रकरणी भुसावळ शहर पोलिसात गुन्हा दाखल करण्यात आला आहे.
या संदर्भात अधिक असे की, संशयित आरोपी अभिशेख पाल (पूर्ण नाव माहित नाही) याने १ जानेवारी ते फेब्रुवारी २०२३ पावेतो वेळोवेळी अभिशेख पाल याने त्याच्या भुसावळ शहरातील स्पर्धा परीक्षा केंद्रातील क्लासमध्ये तसेच फिलटर हाउस भुसावळ येथे ग्राउंडवर रनिंग सराव करीत असताना संशयित आरोपी पाल याने पिडीतेला चुकीचा स्पर्श केला. तसेच क्लासमध्ये शिकवित असताना पिडीत तरुणीला न विचारता त्याच्या मोबाईलमध्ये त्याच्या सोबत सेल्फी फोटो काढला. तसेच क्लासमध्ये शिकवित असताना पिडीतेसोबत अश्लील कृत्य करून अश्लील हातवारे करत करुन ईशारा करून कॉफी पिण्यास चल, असे म्हणून पिडीतेच्या मनास लज्जा वाटेल असे वाईट कृत्य केले. या प्रकरणी शहर पोलिसात गुन्हा दाखल करण्यात आला असून पुढील तपास सफौ मोहमद सैय्यद हे करीत आहेत.
