चाळीसगाव (प्रतिनिधी) घरी सोडून देण्याच्या बहाण्याने एका ७ वर्षाच्या बालिकेचे लैंगिक शोषण केल्याप्रकरणी एका विरुद्ध चाळीसगाव शहर पोलिसात गुन्हा दाखल करण्यात आला आहे.
या संदर्भात पिडीत बालिकेच्या आईने दिलेल्या फिर्यादोत म्हटले आहे की, दि. १२ मे रोजी रात्री ८ वाजेच्या सुमारास आकाश उर्फ सुपड्या विठ्ठल पाटील याने घरी सोडून देण्याच्या बहाण्याने पिडीत मुलीला त्याच्या जवळील स्कुटीवर बसवून चाळीसगाव कोर्टाच्या बाजूला असलेल्या टेनीस ग्राऊंडच्या भिंतीच्या आडोश्याला घेऊन गेले. या ठिकाणी त्याने पिडीतेचे लैंगिक शोषण केले. यावेळी पिडीत बालिका रडू लागल्यानंतर त्याने तिला घराजवळ सोडून, तू जर तुझ्या आई-वडीलांना सांगितले तर मी तूला मारुन टाकेल, असा दम दिला. पिडीतेने घरी आल्यानंतर आईला हकीगत सांगितली. नंतर पिडीतेच्या आईने लागलीच पोलिसात धाव घेत तक्रार केली. या प्रकरणी सुपड्या पाटीलविरुद्ध पोस्को कायद्यान्वये गुन्हा दाखल करण्यात आला असून पुढील तपास सपोनि विशाल टकले हे करीत आहेत. दरम्यान, पोलिसांनी संशयित आरोपीला लागलीच ताब्यात घेतले होते.
