पाचोरा (प्रतिनिधी) तालुक्यातील नगरदेवळा येथे दुर्गोत्सवात दांडीया खेळताना विजेच्या खांबास स्पर्श झाल्याने तरुणाचा मृत्यू झाला. ही दुर्दैवी घटना गुरुवारी रात्री ११.१५ वाजण्याच्या सुमारास घडली. समाधान ज्ञानेश्वर महाजन (२१) असे या मृत तरुणाचे नाव आहे.
सेंट्रल बँक चौकाजवळील दुर्गोत्सव मंडळात समाधान हा गुरुवारी रात्री दांडीया खेळत होता. अचानक पाऊस सुरू झाला आणि रस्त्याच्या बाजूस असलेल्या विजेच्या खांबास त्याचा स्पर्श झाला आणि काही कळण्याच्या आत समाधान खाली कोसळला. मंडळाच्या कार्यकर्त्यांनी त्याला तातडीने भडगाव रुग्णालयात आणले असता वैद्यकीय अधिकाऱ्यांनी त्यास मृत घोषित केले. त्याच्या पश्चात आई व लहान भाऊ असा परिवार आहे.
