पाचोरा (प्रतिनिधी) तालुक्यातील एका गावात पानटपरीवाल्याने ३५ वर्षीय महिलेचा विनयभंग करून शिवीगाळ केल्याची घटना घडली आहे. याप्रकरणी पाचोरा पोलीस ठाण्यात अज्ञात इसमाविरुद्ध गुन्हा दाखल करण्यात आला आहे.
यासंदर्भात अधिक असे की, दि. २१ एप्रिल २०२२ रोजी पिडीत महिला जारगाव चौफुलीवरील पानटपरीवर बसलेल्या अज्ञात इसमाकडून सुगमची पुडी घेण्यासाठी गेल्या. त्यावेळी पानटपरीवरील अज्ञात इसमाने महिलेचे नाव गाव विचारुन उजवा हात पकडुन मनास लज्जा वाटेल असे कृत्य केले. तसेच महिलेस शिवीगाळ केली. याप्रकरणी पाचोरा पोलीस ठाण्यात अज्ञात इसमाविरुद्ध गुन्हा दाखल करण्यात आला असून पुढील तपास पोना सचिन निकम हे करीत आहेत.
