मुंबई (वृत्तसंस्था) खंडणी प्रकरणामधील गुन्हा नोंदविण्यात आले आणि मे महिन्यापासून गायब झालेले मुंबईचे माजी पोलीस आयुक्त परमबीर सिंह अखेर मुंबईमध्ये दाखल झाले आहे. मागील अनेक दिवसांपासून परमबीर सिंह बेपत्ता होते. कोर्टाने त्यांना फरार घोषित केलेले परमबीर सिंह नेमके आहेत तरी कुठे? असा प्रश्न उपस्थित करण्यात येत होता.
१०० कोटी वसुलीचा बॉम्ब टाकून खळबळ उडवून देणारे मुंबईचे माजी पोलीस आयुक्त परमबीर सिंह गेल्या अनेक दिवसांपासून बेपत्ता होते. अखेर मुंबई किला कोर्टाने परमबीर सिंह यांना फरार घोषित केले होते. त्यानंतर आता परमबीर सिंह हे मुंबईत दाखल झाले आहेत.
दरम्यान, गेल्या अनेक दिवसांपासून परमबीर सिंह हे गायब होते. त्यामुळे परमबीर सिंग यांच्याविरोधात लूक आऊट नोटीस जारी होईल अशी शक्यता होती. पण त्याआधीच खंडणी प्रकरणात परमबीर सिंह यांना मुंबई किला कोर्टाने फरार घोषित केले. गोरेगाव पोलीस स्टेशनमध्ये दाखल गुन्ह्यांत फरार घोषित करण्यात आले होते.
