जळगाव (प्रतिनिधी) उर्जा उद्योगाच्या खाजगीकरण धोरणाविरुद्ध व विज कायदा २०२० रद्द होण्यास्तव तसेच इतर मागण्यासाठी आज पुकारलेल्या देशव्यापी संपात महाराष्ट्रातील उर्जाक्षेत्रामधील कामगार संघटना यांनी संपात सहभाग नोंदविला. महावितरणच्या जळगाव मंडळ कार्यालयाजवळ द्वारसभा घेत उर्जा उद्योगाच्या खाजगीकरण धोरणाचा निषेध करण्यात आला.
व विज कायदा २०२० रद्द करण्याची मागणी करण्यात आली द्वारसभेत बहुजन विद्युत अभियंता,अधिकारी व कर्मचारी फोरम चे जळगाव परिमंडळ सचिव विजय सोनवणे व एम.एस.ई.वर्कर्स फेडरेशन(आयटक)चे वीरेंद्र पाटील यांनी संभोधित केले. तसेच संविधान दिनानिमित्त भारताचे संविधानाचे प्रास्ताविकाचे वाचन करण्यात आले. संप बुधवार दि.२५ नोव्हेंबरच्या रात्री १२ वाजल्यापासून गुरुवार २६ नोव्हेंबर च्या शून्य तासापर्यंत एका दिवसाचा करण्यात आला. संप, द्वारसभा व संविधान दिनात संध्या पाटील, हेमंत ठोसरे, प्रकाश कोळी, चेतन नागरे, दिनेश बडगुजर, राहुल वडनेरे, मुकेश बारी, चरण पांढरे इ.सहभाग नोंदविला.
