मुंबई (वृत्तसंस्था) सध्या विमानप्रवास करणाऱ्या प्रवाशांसाठी काही निर्बंध आणखी कठोर करण्यात आले आहेत. कोरोना नियंत्रणात आणण्यासाठी म्हणून मास्कचा वापर अनिवार्य करण्यात आला आहे, पण जर कोणीही विमानात योग्य पद्धतीने मास्क वापरताना आढळलं नाही, किंवा तो चुकीच्या पद्धतीने वापरला तर अशा प्रवाशांना शिक्षा म्हणून थेट विमानातूनच उतरवण्यात येणार आहे, प्रवाशांना यात हयगय केल्यास डायरेक्टर जनरल ऑफ सिव्हिल एव्हिएशन कडून कठोर कारवाईचा इशारा देण्यात आला आहे.
कोरोना संक्रमणा दरम्यान हवाई प्रवास करणाऱ्या प्रवाशांना योग्य ती सावधानता बाळगणं आवश्यक आहे. प्रवाशांना यात हयगय केल्यास डायरेक्टर जनरल ऑफ सिव्हिल एव्हिएशन (DGCA) कडून कठोर कारवाईचा इशारा देण्यात आला आहे. विमानतळावर दाखल झाल्यापासून ते बाहेर पडेपर्यंत प्रत्येक ठिकाणी प्रवाशांना मास्कचा वापर करावा लागणार आहे. डीजीसीएकडून काढण्यात आलेल्या एका परिपत्रकात, प्रवासात दरम्यान सोशल डिस्टन्सिंगच्या नियमांचं पालन न करणाऱ्या प्रवाशांना विमानातून खाली उतरवण्यात येईल, असं म्हटलं गेलंय. एकच प्रवासी वारंवार नियमांचं उल्लंघन करताना आढळल्यास त्याला ‘उपद्रवी प्रवासी’ करार दिलं जाईल.
डायरेक्टर जनरल ऑफ सिव्हिल एव्हिएशन (DGCA) कडून ट्विटरच्या माध्यमातून याबाबतची माहिती देण्यात आली. ज्यामध्ये नियमांचं पालन न करणाऱ्या प्रवाशांना शिक्षेला सामोरं जावं लागेल असं सांगण्यात आलं. दिल्ली उच्च न्यायालयानं दिलेल्या आदेशांनुसार DGCAनं हनुवटीवर किंवा कोणत्याही चुकीच्या प्रकारे मास्क घातलेले प्रवासी दिसल्यास त्यांना तात्काळ विमानातून बाहेरची वाट दाखवावी.
विमान उड्डाणापूर्वी विमानात बसलेला कोणताही प्रवासी इशाऱ्यानंतरही मास्क योग्य पद्धतीनं परिधान करत नसेल तर त्याला विमानातून खाली उतरवण्यात यावं. विमान प्रवासादरम्यान वारंवार मास्क परिधान करण्यास नकार देत असेल किंवा कोविड प्रोटोकॉल्सचं पालन करत नसेल तर त्याला ‘उपद्रवी प्रवासी’ करार देण्यात येऊन त्या प्रवाशाला प्रवासास बंदी घालण्यात येईल
