जळगाव प्रतिनिधी । शहरातील सै. नियाज अली भैय्या फॉउंडेशन तर्फे वृक्षारोपण करून उर्स आला हजरत साजरा करण्यात आले आहे.
सध्या सर्वत्र सिमेंटचे जंगल उभे राहत असून जंगलात मानवी रहिवास व वावर वाढला असून प्राण्यांना, जंगल व निसर्गाला यामुळे मोठ्या प्रमाणात हानी होत असून ग्लोबल वार्मिंग वाढत असून उष्णता वाढून पाण्याची समस्या वाढत आहे. अनेक ठिकाणी अनेक कारणांनी वृक्षांची कत्तल करण्यात येत आहे. म्हणूनच सुन्नी मुस्लिम बांधवांचे सर्वात मोठे धर्मगुरू, सुन्नी मुस्लिमांचे राष्ट्रीय मरकज ( मुख्य धार्मिक केंद्र) बरेली शरीफ उत्तर प्रदेश येथील आला हजरत,अझिमुल बरकत, मुज्जदिदो दिनो मिल्लत, इमाम – ए – इश्क मोहब्बत, इमाम अहेमद रझा खा रझी. यांच्या 102 व्या उर्स मुबारक निमित्त आज दुपारी 1:30 वाजता भिलपुरा नियामतपुरा भागात सै. नियाज अली भैय्या फॉउंडेशन तर्फे वृक्षारोपण करून उर्स आला हजरत साजरा करण्यात आला.
शनिपेठ पो. स्टे. चे पोलीस निरीक्षक विठ्ठल ससे व सै. अयाज अली नियाज अली यांच्या शुभहस्ते वड, पिंपळ यांची रोपटे लावण्यात आली. याप्रसंगी विठ्ठल ससे व सै. अयाज अली नियाज अली यांनी वृक्षारोपण व निसर्गाचे महत्त्व विशद केले. याप्रसंगी विठ्ठल ससे, सै. अयाज अली नियाज अली, शफि ठेकेदार, हाजी शेख आरिफ, हाजी नईम शेख, हाजी निसार खाटीक, हाजी इकबाल शेख, नूर मोहम्मद शेख, मनोज सेठीया, बप्पी पाकिरा, दिनेश लखारा, हाजी शेख इकबाल, मोईनुद्दीन अली, दानिश शेख, नाझीम कुरेशी, सलमान जाफर, सय्यद शकील, मोहम्मद खान, शेख जलालुद्दीन, शाकिब फारुख, सय्यद ओवेश अली इ. उपस्थित होते.
