मुंबई (वृत्तसंस्था) भारतीय क्रिकेट संघाचा माजी खेळाडू सुरेश रैनाविरोधात गुन्हा दाखल करण्यात आला आहे. कोरोना संक्रमणासंदर्भातील नियम तोडून बॉलीवूड सेलिब्रिटींच्या पार्टीचा प्रकार समोर आलाय. रात्री साधारण ३ वाजता मुंबई पोलिसांनी अंधेरीच्या मोठ्या क्लब ड्रॅगन फ्लायवर छापा टाकला. इथे पार्टी सुरु होती. ज्यामध्ये बॉलिवूड सेलिब्रिटी उपस्थित होते. पोलिसांचा छापा पडल्यानंतर सेलिब्रिटी मागच्या दाराने पळाले.
भारतीय क्रिकेट संघाचा माजी खेळाडू सुरेश रैनाविरोधात गुन्हा दाखल करण्यात आला आहे. मुंबईमधील ड्रॅगनफ्लाय क्लबवर पोलिसांनी छापा टाकला असता ही कारवाई करण्यात आली आहे. मुंबई विमानतळावजवळ असणाऱ्या या क्लबमध्ये सुरेश रैना उपस्थित होता. सुरेश रैनासोबत बॉलिवूड अभिनेता ह्रतिक रोशनची पत्नी सुझेन खान तसंच इतर काही सेलिब्रेटींवसह एकूण ३४ जणांविरोधात गुन्हा दाखल झाला आहे. एएनआयने यासंबंधी वृत्त दिलं आहे. सहार पोलिसांकडून मध्यरात्री २.३० वाजता ही कारवाई करण्यात आली. मुंबई पोलिसांनी एएनआयशी बोलताना दिलेल्या माहितीनुसार, “माजी भारतीय क्रिकेटर आणि इतर काही सेलिब्रेटींसोबत एकूण ३४ जणांविरोधात गुन्हा दाखल करण्यात आला आहे. कोरोनाशी संबधित नियमांचं पालन केल्याने तसंच वेळमर्यादा संपल्यानंतरही क्लब सुरु ठेवण्यात आल्याने ही कारवाई करण्यात आली आहे”. मुंबई पोलिसांकडून क्लबच्या कर्मचाऱ्यांवरही कारवाई करण्यात आली. या पार्टीत १९ जण दिल्ली आणि पंजाबमधून आले होते. या व्यतिरिक्त दक्षिण मुंबईतूनही काहीजण या पार्टीत सहभागी होते. पोलिसांनी एकूण २७ ग्राहक आणि ७ कर्मचाऱ्यांविरोधात गुन्हा दाखल केला. पोलिसांनी कलम १८८ अंतर्गत गुन्हा दाखल झालाय. ताब्यात घेतलेल्यांना नोटीस देऊन सोडण्यात आलंय. तर दिल्लीहून आलेल्यांना सकाळी ७ वाजता पुन्हा पाठवण्यात आले. मुंबईत नाईट कर्फ्यू जाहीर करण्यात आला असतानाच ही कारवाई करण्यात आली आहे. राज्यात मंगळवारी रात्रीपासून ५ जानेवारीपर्यंत महानगरपालिका क्षेत्रात रात्री ११ ते पहाटे ६ पर्यंत संचारबंदी लागू राहील. संचारबंदीच्या निर्णयामुळे सरत्या वर्षांला निरोप आणि नववर्षांच्या स्वागतासाठी ३१ डिसेंबरच्या मध्यरात्री होणाऱ्या जल्लोषावर पूर्णपणे निर्बंध आले आहेत. नाताळच्या उत्साहावरही विरजण पडणार असून, विशेषत: हॉटेल व्यवयासाला त्याचा मोठा फटका बसेल, असे मानले जाते.
मुंबईत कोरोनाचा प्रादुर्भाव वाढू नये, या करिता प्रशासनाने मार्गदर्शक तत्वे आणि नियमावली जारी केली आहे. मात्र त्याचे उल्लंघन होताना दिसत आहे. मुंबई पोलिसांनी काल रात्री एका पंचतारांकित हॉटेलवर केलेल्या कारवाईत क्रिकेटर सुरेश रैनासह एकूण ३४ जणांवर मुंबई पोलिसांनी कारवाई केली आहे.
