धरणगाव (प्रतिनिधी) शिवसेनेचे सहसंपर्कप्रमुख गुलाबराव वाघ यांना मुख्यमंत्री एकनाथ शिंदे यांचा पीए बोलत असल्याच्या नावाखाली धमकी दिल्याप्रकरणी अज्ञात मोबाईल धारकाविरुद्ध गुन्हा दाखल करण्यात आला होता. आज धरणगाव पोलिसांनी परिस्थितीचे गांभीर्य लक्षात घेता गुलाबराव वाघ यांना सुरक्षा प्रदान केली आहे. त्यानुसार आता त्यांच्यासोबत एक पोलीस कर्मचारी असणार आहे.
मुख्यमंत्र्यांचा पीए बोलतोय, तुम्ही शिंदेसाहेब आणि जळगाव जिल्ह्यातील शिंदे साहेबांच्या समर्थक आमदारांच्या विरोधात खूप बोलताय. तुम्हाला सोडणार नाही, अशा शब्दात एकाने व्यक्तीने आपल्याला फोनवरून जीवे मारण्याची धमकी सहसंपर्क प्रमुख गुलाबराव वाघ यांना दिल्याप्रकरणी जिल्हापेठ पोलीस ठाण्यात अज्ञात मोबाईल धारक व्यक्तीविरुद्ध तक्रार दाखल करण्यात आली होती. तर दुसरीकडे आज धरणगाव शहर आणि तालुक्यातील शिवसैनिकांनी धरणगाव तहसीलदार आणि पोलीस निरीक्षकांना निवेदन देण्यात आले होते. त्यानुसार आज परिस्थितीचे गांभीर्य लक्षात घेता गुलाबराव वाघ यांना पोलिसांनी सुरक्षा प्रदान केली आहे.
गुलाबराव वाघ यांना धमकी दिल्याप्रकरणी जळगाव पोलिसात तक्रार दाखल आहे. धमकी देणारा कोण? आणि इतर चौकशी पूर्ण होत नाहीम तोपर्यंत परिस्थितीचे गांभीर्य लक्षात घेता गुलाबराव वाघ यांना सुरक्षा प्रदान करण्यात आली आहे.
– राहुल खताळ (पोलीस निरीक्षक, धरणगाव)
