नवी दिल्ली (वृत्तसंस्था) तुम्हाला सुरक्षित गुंतवणुकीसोबत चांगला परतावा मिळवायचा असेल, तर तुमच्यासाठी पोस्ट ऑफिसमध्ये गुंतवणूक (Post Office Scheme) हा एक चांगला पर्याय असू शकतो. येथे तुम्हाला अशा योजनेची माहिती दिली जाणार आहे जी तुम्हाला छोट्या गुंतवणुकीत चांगला परतावा देईल. या योजनेत तुम्ही फक्त ४०० रुपयांची बचत करून १ कोटी रुपये घेऊ देऊ शकता. चला जाणून घेऊयात
पोस्ट ऑफिस PPF योजना
पोस्ट ऑफिसचा पब्लिक प्रॉव्हिडंट फंड एक लॉग टर्म इन्व्हेस्टमेंट आहे. याचा मॅच्युरिटी पिरियड १५ वर्षांचा आहे. हा कालावधी तुम्ही पाच-पाच वर्षांसाठी आणखी वाढवू शकता. पीपीएफ स्कीममध्ये वार्षिक ७.१ टक्के व्याजासह कंपाऊंडिंगचा सुद्धा लाभ मिळतो. यामध्ये तुम्ही एक वर्षात १.५ लाख रुपये गुंतवू शकता. येथे तुमचे पैसे पूर्ण सुरक्षित राहतात आणि गॅरेंटेड रिटर्न मिळते. यामध्ये जमा केलेली १.५ लाख रुपयांची रक्कम टॅक्स फ्री असते.
दररोज ४०० रुपये गुंतवा
या बचत योजनेत दरवर्षी जास्तीत जास्त १.५० लाख रुपये ठेवता येतात. वर्षातून एकदा १.५० लाख रुपये जमा करण्याऐवजी, जर तुम्ही मासिक १२५०० रुपये गुंतवले किंवा तुम्ही दररोज ४०० रुपये गुंतवले तर तुम्हाला मोठा नफा मिळेल. तसेच, आयकर कायद्याच्या कलम 80C अंतर्गत, तुम्ही तुमच्या PPF खात्यावर कर सवलत मिळवू शकता.
अशा प्रकारे मिळेल १८ लाख व्याजाचा लाभ
– परिपक्वता कालावधी : १५ वर्षे
– एका दिवसात ४१६ रुपये, कमाल मासिक १२५०० रुपये आणि वार्षिक १.५ लाख रुपये जमा करावे लागतील.
– ७.१ टक्केच्या वार्षिक व्याजाने कंपाऊंडिंग लाभ मिळेल.
– एकुण गुंतवणूक १५ वर्षानंतर २२.५० लाख रुपये होईल.
– एकूण रक्कम ४०.७० लाख रुपये होईल.
-ज्यावर व्याज १८.१८ लाख रुपये होईल.
२५ वर्षांच्या गुंतवणुकीवर एक कोटीपेक्षा जास्त लाभ या योजने अंतर्गत तुम्ही मासिक १२,५०० रुपयांची गुंतवणूक केल्यास एका वर्षात एकूण १.५० लाख रुपयांची गुंतवणूक होईल. जर तुम्ही २५ वर्षासाठी गुंतवणूक केली तर एकूण जमा रक्कम ३७.५० लाख रुपये होईल. ज्यावर तुम्हाला ७.१ टक्के चक्रवाढ व्याज दिले जाईल. मॅच्युरिटी झाल्यावर तुम्हाला १.०३ कोटी रुपये मिळतील. ज्यामध्ये व्याजाचा लाभ ६२.५० लाख रुपये असेल.
